O derbi lucense entre o Azkar Lugo B e o Rececende, equipo da
localidade de A Pontenova, tiña síntomas previamente de que ía ser un
gran choque polo que había en xogo, sobor de todo en termos de
clasificación. Pero resultou todo o contrario, un choque falto de
ritmo, con poucas ocasións, e que levou o que menos erros cometeu ou o
que estivo un pouco máis acertado, e ese foi o Rececende que co 3-5
supera na clasificación ao filial do Azkar.
Azkar
No inicio do partido xa quedaba demostrado que ambos equipos non
arriscarían demasiado e ambos intentaban non cometer erros. Ao partido
faltáballe intensidade, unha marcha máis, e as ocasións do gol eran
poucas. De feito o primeiro acto finalizaría coa mínima vantaxe dos
visitantes de 1 gol a 2.
Tra-la continuación pareceu incrementar un pouco o ritmo do xogo, pero
seguía sendo un choque espeso e con dous equipos que hoxe non
demostraban o xogo de anteriores partidos. O Azkar B deu un síntoma de
reacción con dous goles en dúas poutadas en tan só un minuto (3-2).
Pero o Rececende empataría ao seguinte minuto. Calquera se podía levar
o partido, pero os de A Pontenova pagarían coa mesma moeda aos de Diego
Ríos. O peor pesadelo para os transportistas no mediodía de hoxe,
Miguelín, que en tan só un minuto, do 33 ao 34, completaba o seu
hat-trick con dous goles e puña o partido costa arriba, 3-5. A falta de
seis minutos o conxunto pronista buscou a reacción con
porteiro-xogador, e a pesar de que o intentou, non atopou ese gol que
lle metera de cheo no choque.
VOLVER A PONTENOVA.ES