jueves, 21 de febrero de 2013
Recordatorio para as Asociacións de A Pontenova
Estase achegando a primavera e sería bo que as distintas asociacións do pobo vaiades insertando as datas nas que tedes algun evento no calendario para non coincidir varias cousas no mesmo día.
O BNG DA MARIÑA CONSIDERA LAMENTÁBEL QUE OS ALCALDES DO PP DA COMARCA ESTEAN MÁIS PREOCUPADOS POLO SEU SALARIO QUE POR DEFENDER OS SEUS CONCELLOS
Antonio Veiga pide aos responsábels do PPdeG que se pronuncien sobre as declaracións de rexedores municipais dispostos a deixar a política se se lles baixa o salario
“O problema da reforma da administración local proposta
polo Goberno central non é a redución salarial aos alcaldes senón que limita o
desenvolvemento económico e social dos concellos”
A Mariña, 19 de febreiro de
2013. O
responsábel comarcal do Bloque Nacionalista Galego (BNG) na Mariña, Antonio
Veiga, critica a actitude dos alcaldes do Partido Popular ante a reforma da
administración local proposta polo Goberno do Estado que contempla a redución
dos soldos dos rexedores municipais e pide aos dirixentes do Partido Popular de
Galiza que aclaren se apoian as afirmacións dos alcaldes dispostos a deixar a
actividade política se se lle toca o seu salario.
Para
Veiga estas ameazas dos alcaldes populares da Mariña son “lamentábeis e un
insulto a todos os mariñáns, máis nun momento de forte recesión económica que
está deixando a milleiros de desempregados na comarca, a familias con todos os
seus membros en paro que non reciben ningunha axuda e a todos os traballadores
que ven como diminúe a súa renda de traballo polos recortes salariais e medidas
como a suba de impostos e o copago nos servizos públicos. Afirmar que un é
alcalde porque permite manter un determinado nivel de vida e que se lle reducen
o salario terá que cambiar de actividade porque non lle permitirá mantelo, é a
confirmación de moitas sospeitas que alertaban, xa hai tempo, da falla de
vontade de servizo público dos rexedores populares. Estamos ante declaracións
indignas de representantes do pobo que deben pór os intereses dos cidadáns por
riba dos intereses persoais”.
Dende
o Bloque insístese en que a reforma proposta polo Goberno central recolle
modificacións de maior gravidade para os concellos que o soldos dos alcaldes,
que deberían estar defendendo a xestión das entidades locais e estar
demostrando o seu rexeitamento cara a ofensiva unificadora emprendida polo seu propio
partido, que pretende baleirar de competencias aos concellos e dificultar a
prestación de servizos públicos camiñando cara a súa privatización.
Antonio
Veiga conclúe que “o BNG seguirá denunciando a proposta de reforma en canto
limita o desenvolvemento económico e social dos concellos, decreta o
desequilibrio territorial consolidando veciños de primeira e de segunda atendendo
ao concello no que vivan e intensifica as diferenzas entre o rural e o urbano,
consolidando unha institución decimonónica como as deputacións. Oxalá víramos
aos rexedores do Partido Popular defender a sanidade e a educación pública e
rexeitar os recortes en servizos sociais coa intensidade coa que defenden os
seus salario”.
Suscribirse a:
Entradas (Atom)