O PP de A
Pontenova presentará unha Moción no próximo Pleno instando ao goberno do PSOE a
que aprobe unha Ordenanza Municipal que regule as subvencións ás Entidades sen
ánimo de lucro.
Neste senso o PP
solicitará a Darío Campos que regule a través dunha Ordenanza as subvencións co
Concello Pontenovés concede ás distintas entidades para a través dunha convocatória regulada de subvencións existan uns criterios
públicos, obxectivos e transparentes na concesión das mesmas, evitando
situacións como a que se estivo a vivir estes dias pasados entre o Superti
Futbol Sala e o Concello pontenovés.
Ademais, o PP
denuncia que Darío Campos minte e o engana xa que no último Pleno e en resposta
a unha Pregunta deste Grupo, entregoulle
a relación de subvencións do ano 2011 onde se indica que están todas pagadas e
dias despois o Superti Futbol Sala, que non figura nesa relación, denuncia que
ten sen cobrar as subvencións de 2011 e 2012.
O PP espera que
esta Moción sexa aprobada e que o equipo de goberno regule as subvencións do
ano 2013 a través, xa, desta Ordenanza e
que ademais nos presupostos do 2013 que ainda están sen aprobar, xa se recolla
a partida presupostaria necesaria para convocar publicamente ditas subvencións
Finalmente esta
Ordenanza, entendemos desde o Partido Popular, que deberá incluír ás Entidades
Sociais, Culturais e Deportivas, e que deberá garantir dunha maneira pública e
transparente a concesión e as contías das axudas e subvencións municipais,
evitando partidismos e personalismos, sobre todo tendo en conta a importante
labor que todas estas Entidades, cada unha no seu ámbito de actuación, están a
desempeñar en beneficio dos veciños e veciñas de A Pontenova.
Nota de prensa PP A Pontenova
