ACUDE Á XUNTANZA ABERTA E PARTICIPA!
AS TÚAS IDEAS E A TÚA PARTICIPACIÓN SON O MÁIS IMPORTANTE!
___________________________
Boa tarde amigos e amigas:
É para nós un pracer convidarvos a participar da que será a III Xuntanza Aberta na Mariña, que se celebrará en Burela o vindeiro sábado 26 de maio ás 19:00 horas (no Salón de Conferencias, Antiga Bilioteca perto da estación do tren).
As Xuntanzas, como xa moitxs saberedes estanse celebrando polos distintos concellos da Mariña co obxectivo de crear entre todas e todos unha Nova Organización Política para Galicia, que teña en conta as necesidades da poboación da comarca e dos seus concellos, e que teña un xeito de funcionar radicalmente diferente aos partidos políticos que actualmente existen e cos que non nos sentimos identificadxs nin representadxs.
Queremos unha Nova organización, de esquerdas e galega no seu sentido máis plural e aberto, que represente os intereses dese 99% que somos a maioría social que traballa para poder gañarse a vida.
Nesta III Xuntanza Aberta na Mariña temos a seguinte orde do día:
1) Presentación do Decálogo da Mariña: debate e emendas por parte de todas as persoas que desexen asistir antes da súa aprobación.
2) Nomeamento dunha Xunta Xestora Provisional: para organizar a IV Xuntanza Aberta na Mariña (que será unha asemblea constituinte da Nova Organización na Mariña), así como para elaborar os textos polos que se rexerá a nova organización, así como os planos de traballo para a mesma (que tamén se tratarán na IV Xuntanza).
Por favor, reenviádelle esta información a todas as persoas a quenes consideredes que lles poda interesar.
________________________________________
ACUDE Á XUNTANZA ABERTA E PARTICIPA!
AS TÚAS IDEAS E A TÚA PARTICIPACIÓN SON O MÁIS IMPORTANTE!
BURELA, SÁBADO 26 DE MAIO ÁS 19:00h
Salón de Conferencias (Antiga Bilioteca), perto da estación do tren.
Nota de prensa enviada por Breo Valcárcel
