Superando todas as expectativas iniciais
cunha actuación sólida dende o primeiro quilómetro, Pipo López
conseguiu unha merecida vitoria en Grupo N e o seu primeiro podio
absoluto co terceiro posto, mentres que Óscar López puido volver aos
postos de cabeza, sendo finalmente oitavo.
Nun día no que as condicións
climatolóxicas foron absolutamente propicias, cun piso totalmente seco e
o sol lucindo dende primeira hora, os pilotos lucenses comezaron
situándose entre os mellores xa dende a primeira pasada grazas a un
ritmo constante. Nas restantes especiais, facendo gala da regularidade
que os caracteriza, conseguiron seguir situados entre os mellores ata
alcanzar a meta en Salas co Mitsubishi Lancer e o Peugeot 206 RC entre
os 10 mellores, cumprindo de sobra os obxectivos.
Para Pipo López o resultado é un premio, sen dúbida. Despois de varias
tempadas en que a sorte non nos acompañou en tantos momentos, por fin
chegou o bo resultado. Conseguín o meu primeiro podio absoluto, ademais
de vencer en Grupo N, á parte de que o coche funcionou perfectamente. Só
podo agradecerlle o traballo a todo o equipo e o apoio dos
patrocinadores. Sen dúbida é o empuxón que necesitaba.
Óscar López, pola súa banda, tamén
estaba contento polo resultado,
estivemos a pelexar pola vitoria dentro do Grupo A ata o último momento
e só nos separaron 3 segundos dela. Ademais estivemos entre os 10
mellores e todo funcionou sen problemas, co que sumamos uns puntos
importantes de cara ao campionato. Hoxe todo foi positivo para o noso
equipo co que temos que seguir traballando nesta liña.
A próxima participación prevista para o
equipo de rallys de Sta. Apolonia S.L. será o a terceira cita puntuable
para o Campionato de Asturias de Rallysprints, o Rallysprint de Grandas
de Salime, a disputar o próximo 19 de Xuño.