Alba Lopez fainos chegar este fermoso e valioso documento onde nos explica os inicios do que hoxe coñecemos por Haloween. Moitisimas gracias.
O Samaín é unha festa pagá que
tiña lugar fai máis de 3000 anos nalgúns dos reinos celtas como Irlanda,
Galicia e Gran Bretaña. Esta festa que transcorría a finais do verán coa
recollida das colleitas, significando así o fin dunha etapa, dun ano, e o comezo
doutro novo, tal celebración duraba 7 días e tiña lugar a principios de
novembro.
O
Samaín simbolizaba a eternidade, era o momento no que se abría o mundo dos
mortos e estes podían regresar os seus fogares para visitar os seus
descendentes, era o momento de celebrar a recollida das colleitas, de dar paso
a un novo ano e por suposto de honrar á natureza e os antepasados.
Centrándonos
máis na noite que simbolizaba o fin e o comezo (a noite de Samaín), as familias
deixaban comida, e poñían velas dentro de cranios dos inimigos (posteriormente
baleirábanse nabos para esta función e máis adiante, as xa coñecidas por todos
cabazas) nas portas, fiestras e arredores do fogar para os espíritos e
pantasmas que fosen benvidos e a vez, para espantar a aqueles malignos ou que
puidesen traer mala sorte.
Coa
invasión romana, a tradición do Samaín foi minguada e xa no século II
desapareceu practicamente coa evanxelización dos pobos pagáns, aínda que quedou
latente de formas moi diversas en moitos pobos e aldeas do que fora reino
celta.Para a evanxelización dos pobos, a igrexa acostumaba intentar adaptar as
tradicións pagás e facelas propias para axilizar ese proceso, é aí o orixe do
día de tódolos Santos celebrado o 1 de novembro polo noso calendario, día no
que con ofrendas florais e oratorias se pretende recordar e honrar ós
antepasados.
Non
fai moito tempo e con moita influencia do cine de terror xurdiu una festa
orixinada no Samaín que agora é coñecida a escala internacional pero que non
ten un orixe ancestral, se non puramente comercial e cinematográfico: Hallowen,
nesta festa, a ofrenda de alimentos pasa a ser a recollida de alimentos por as
persoas disfrazadas nas rúas; as cabazas e demais teñen una función estética, e
a honra ós antepasados e visita destes, convertese no terror e medo da “noite
das pantasmas e espíritos”.
Actualmente
en Galicia, numerosas asociacións, colexios e pobos intentan recuperar esta
tradición realizando actividades culturais, talleres e festas como en Lugo, que
a noite do 31 de outubro, una procesión de ánimas recorrerá a muralla
adornándoa con cabazas e velas, e durante estes días haberá talleres e diversas
actividades pola cidade.
Deséxovos un bo ano novo (celta) e
que os espíritos vos leven a ledicia ós vosos fogares, gozade do Samaín.
Alba.
