Desde o BNG “lamentamos esta
negativa e parécenos unha actitude covarde e pouco democrática por parte do
actual rexedor”
O actual alcalde da Pontenova, Darío Campos, negouse
a participar no debate a 3 que durante semanas levaban solicitando desde o
Grupo Municipal Nacionalista.
A diferenza do candidato do PP, David Álvarez,
que si estaba disposto a presentarse a dita cita, o alcalde socialista mostrou,
segundo a candidata Mónica Rancaño, “unha vez mais a súa falta de capacidade
para presentarse diante das veciñas e veciños e responder as súas preguntas, e
lamentan esta negativa xa que o debate supoñería un fito na historia do
Concello, sendo a primeira vez que se celebraría algo parecido”.
Desde o BNG tamén se sinalou que “isto vén a
confirmar que o PSOE non ten proxecto político que explicar, non se atreve a
enfrontarse ás súas veciñas e veciños cara a cara, preocupándose unicamente de
mentir a través da prensa”.
Neste senso, desde a Agrupación Nacionalista
quixeron aclarar que certas informacións que se fixeron chegar desde o Grupo
Socialista a varios medios supoñen graves mentiras. Concretamente a afirmación
de que durante o seu mandato as taxas e impostos non subiran, xa que na
realidade “foi unha das poucas cousas que se fixo desde o Goberno Local,
xustamente para o pago dos mais de 500.000 € de débeda que ten o Concello e
para que tanto o alcalde e tenente alcalde puideran manter os seus soldos”.
A Pontenova, 19 de maio
do 2015.
Fuente; BNG A Pontenova