O concello de riotorto quere tirar dos ferreiros ▶ Cun pasado de
esplendor e un porvir entre interrogantes, o Concello riotortense pretende aproveitar os vinte ferreiros en activo para abrir unha porta ó desenvolvemento turístico e económico
Sigue leyendo...
está arraigada entre as xentes
de Riotorto a certeza de que o oficio
de ferreiro vai a ter moitos problemas
nun futuro non moi lonxano
para conseguir saír desta. O futuro
plantéxase complicado para un traballo
baseado en producir un instrumentos
dun labor que cambiou
por completo nas últimas décadas,
ou enseres que no actual mundo
globalizado deben competir tanto
cos coitelos de Albacete como cos
que veñen da China.
Pero o alcalde de Riotorto, Federico
Gutiérrez Estoa, pensa que en
realidade todo depende do enfoque
que se lle queira dar. Consciente de
que pelear corpo a corpo coas grandes
produccións, de menor calidade
pero mellor prezo, é complicado,
sabe que tal vez unha visión diferente
do oficio dos ferreiros poida
ter a clave da solución, a clave do
futuro.
E é que desde o Concello o que
están tentando facer é non só impulsar
o oficio dos ferreiros para
que continúen loitando como o
viñeron facendo ata o de agora no
mundo do seu comercio de toda a
vida, senón que esperan dar a coñecer
ó exterior que nun concello
tan pequeno coma o de Riotorto,
a pervivencia de vinte ferreiros en
activo, dados de alta como tal e producindo
polo tanto con todas as da
lei, é unha situación tan anómala
que podería ser un auténtico as
na manga que axudara a reflotar
a triste industria turística de Riotorto.
E neso están. Federico Gutiérrez
Estoa comenta que esos vinte ferreiros
«supóñenlle a Riotorto ser
un dos concellos cunha ratio máis
alta de artesáns en relación ao total
de poboación de toda Galiza». Desde
logo non é un dato calquera, e
sobre todo cando se pensa que a só
quince kilómetros e con algo menos
de tradición, Taramundi montou
pouco menos que un emporio
internacional.
De xeito que a idea poida non
ser tan tola. De momento, están
empezando a traballar. O vindeiro
fin de semana farase a segunda
edición da Feira da Artesanía do
Ferro de Riotorto. A primeira, que
saiu adiante polo empeño duns
cuantos destes artesáns, obreiros
e supervivintes, foi razoablemente
ben, así que agora compre seguir
avanzando.
MOTOR. De momento, o que
Gutiérrez Estoa ten claro é que queren
apostar «por que a artesanía do
ferro supoña un verdadeiro motor
económico para o concello, xerando
emprego e riqueza. Isto é, non
pretende este evento só resaltar a
importantísima tradición ferreira
de Riotorto, senón impulsar esta
actividade no concello e mirar para
o futuro».
Por eso, ó alcalde non lle doe
recoñecer que aínda que os actos
festivos da feira son importantes,
desde o Concello o que non se quere
é que esto só sexa un día máis
de festa, «senón que pretendemos
ir máis aló e axudar a recuperar a
autoestima do oficio de ferreiro, e
aproveitando a herdanza das artes
tradicionais, preténdese que
se incorpore xente moza ao oficio,
que realicen novos productos, que
apliquen novas técnicas e todo esto
co fin de acadar novos mercados
que aseguren o futuro da profesión
e que Riotorto seiga sendo un referente
do ferro en todo o país».
De xeito que con ese obxectivo
ben claro, van comenzar esta segunda
feira o vindeiro sábado, día
19. O primeiro acto vai ser de tintes
académicos, pois tratarase dunha
conferencia de Miguel Abraira titulada
‘Historia e técnicas tradicionais
da ferrería’. Abraira sabe
do que fala, porque fixo un estudo
sobre este oficio, precisamente
cos ferreiros de Riotorto, de onde
é orixinario, de xeito que a bon
seguro que vai ter unha parroquia
entregada. Vai ser ás catro da tarde
no centro sociocultural.
DEMOS TRACIÓN. Tamén o sábado,
pero xa na área recreativa do
Mazo de Ferreiravella, haberá unha
demostración de técnicas tradicionais
en ferrería. Concretamente,
os profesionais van facer fincapé
no caldeado e no enmalle.
Para rematar o sábado, música
folk con ‘SonDeSeu’, un grupo vigués
con nada menos que 35 compoñentes
nado no seo do Conservatorio
de Música Tradicional de
Vigo, o berce doutros ben coñecidos
agora coma ‘Berrogüetto’. A actuación
vai ser na praza das Rodrigas
a partir das dez da noite.
O alcalde de Riotorto lembra que
«os actos da feira están organizados
polo Concello co apoio da ‘Asociación
para a Promoción Social dos
Ferreiros de Riotorto’. Asimesmo,
a feira está apoiada e financiada
pola Consellería de Innovación e
Industria e pola área de Cultura da
Deputación de Lugo».
Hai que lembrar que especialmente
Industria, a través a Dirección
Xeral para o Turismo coincide
co Concello na posibilidade de tirar
dos ferreiros como foco de atracción
turística, e neso están xa a
traballar.
A Feira do Ferro
ofrecerá obradoiros
ós asistentes
O día grande desta feira vai ser o
domingo día 20. A partires das once
comenzará a desenrolarse durante
todo o día nas Rodrigas con exposicións
de artesáns tanto de Riotorto
como do resto da comarca da Mariña
e da Terra Cha, e mesmo do resto de
Galicia. Tamén se poderán ver demostracións
en vivo dos ferreiros de
Riotorto, que foi unha das actividades
con máis éxito durante a primeira
edición. A feira tamén servirá para
mostrar outras actividades industriais
que se desenvolven en Riotorto, e que
tamén terán o seu oco na exposición.
Como novidade importante para esta
edición, atópase a celebración dunha
serie de obradoiros do ferro para os
visitantes e, sobre todo, para os máis
pequenos. Ademáis, durante toda
a xornada, haberá xogos populares,
pasarrúas de grupos musicais
diferentes, e teatro de ráu co grupo
‘Caramuxo Teatro’.
VOLVER
