O Superti-A Pontenova tróuxose un empate o pasado
sábado do encontro que o enfrontou ao pechacancelas da categoría, un
Cistierna leonés que xa está matematicamente descendido. A pouca
motivación coa que afrontan os pupilos de Josiño este tramo final de
tempada e a necesidade de vencer dos locais para manterse con opcións de
permanencia, provocou que os da Pontenova tivesen máis problemas dos
esperados para conseguir un resultado positivo.
Nas dúas xornadas que restan, os pontenoveses
loitarán por finalizar entre os oito mellores da categoría. Este sábado
(Municipal, 18.30 horas) teñen unha boa oportunidade de referendalo ante
o Portas Deyma, que ocupa a sexta praza do grupo.