O
Partido Popular de A Pontenova está a recibir fortes críticas dos
usuarios das escolas deportivas municipais e da escola de teatro pola
aprobación no último pleno das respectivas Ordenanzas para establecer as
taxas pola prestación destes servizos que ata o de agora viñan sendo
gratuitos. E as protestas se centran non tanto polas cuantías xa que
moitos entenden que para ter os servizos hai que colaborar para mantelos
senon polo feito de ser inxusto e discriminatorio xa que non existe
ningún tipo de bonificación, o que conleva que para aquelas actividades
nas que participen varios membros da mesma familia, e sobre todo tendo
en conta a situación económica que estamos a vivir, non existe ningunha
bonificación e ademais tampouco se contempla ningunha polo nivel de
ingresos da unidade familiar, discapacidade, etc., polo que pagarán
igual aqueles que teñan uns ingresos de 600 € ao mes como os que
perciban 2000 € ao mes.
Por
outra banda tamén no sector comercial e empresarial vese con
preocupación as novas taxas aprobadas polo goberno local, concretamente a
que regula a realización de actividades administrativas con motivo da
apertura de establecementos e a de ocupación de terreos de uso público
con mercaderías, materiais de construcción, escombros, vaias, puntais,
asnillas, andamios e outras instalacións análogas. Os comerciantes e
empresarios de A Pontenova fannos chegar o seu malestar non só polo tema
económico, que tamén, se non porque parece que en vez de intentar
favorecer a reactivación da economía local o único que se fai e cada vez
poñer máis “medidas disuasorias” e poucas facilidades e rapidez na
resolución dos trámites de competencia municipal. O PP estuvo en contra
destas novas taxas municipais porque xeran máis trabas que beneficios
para o emprendemento do sector comercial e industrial do noso Concello.
