O BNG da Pontenova presentou no rexistro do Concello unha moción que
buscará o apoio do Pleno Municipal á folga xeral convocada para o vindeiro
xoves, 29 de Marzo.
Desde o BNG
pontenovés, apúntase a que esta nova regulación laboral agora en vigor socava
dereitos dos traballadores e traballadoras, actuando para iso sobre a rebaixa
das indemnizacións por despedimento, a ampliación das facultades da empresa
para ordenar modificacións discrecionais nas condicións de traballo e a
devaluación da negociación laboral. Isto levará a unha maior precariedade e
desregulación das relacións laborais, que conduzan a unha redución real das
rendas salariais, que xa viñan sufrindo un retroceso antes e, sobre todo,
despois do estoupido da crise fronte ás rendas de capital.
Neste senso, tamén
fixo chegar ao alcalde un escrito, onde se lle solicita que modifique a data do
pleno ordinario que coincidirá con esa mesma data.
Segundo a voceira
municipal, Mónica Rancaño, “pediremos o cambio de data para que o dereito á
folga das traballadoras e traballadores do Concello e dos cargos institucionais
esté garantido”