Os aspirantes a conseguir un emprego residentes nos
concellos mariñanos que teñen menos de cinco mil habitantes ou con
menos de 500 parados xa pasaron as primeiras probas. Desde a Deputación
informan que éstas se desenvolveron no polideportivo Antonio Tarrío de
Viveiro, ao que asistiron os aspirantes de Xove, Ourol, Muras e O
Vicedo; no pavillón do instituto de Burela realizaron os exames os
demandantes de Cervo, Alfoz, Lourenzá, Mondoñedo e O Valadouro, e no CIT
de A Pontenova os aspirantes deste municipio, de Barreiros e de
Trabada.
As persoas que resulten finalmente seleccionadas
para participar no Plan Lugo Emprega estarán traballando nos concellos,
como data límite, o 1 de marzo. Desde a Deputación lembran que asumirán o
100% dos custes salariais, ata os de indemnización pola finalización do
contrato. Neste sentido, insisten en que o plan non incrementa a débeda
pública da Deputación, xa que está financiado con fondos propios.
Caso de Foz
Foz será o último concello en pechar o prazo de
rexistro das solicitudes das persoas interesadas en participar neste
programa. Neste concello o prazo conclúe mañá ás 14.00 horas. O rexedor
xa avanzou que o Concello publicará a relación dos solicitantes o martes
8 no taboleiro de anuncios e na páxina web e se divulgará a través da
emisora municipal.
VOLVER A PONTENOVA.ES
