A Pontenova . Darío Campos (PSOE) percibe por
unha dedicación parcial 2.400 euros netos (7% de descenso) e o edil
Francisco Martínez 1.500 euros netos (5%). Campos recordou que levan
dous anos cos salarios conxelados, polo que quizais non teñan que
baixalos.
Aos alcaldes e edís mariñáns que cobran por unha
dedicación, parcial ou exclusiva, á súa concello, tamén lles chega o
tempo de apertarse o cinto. Será así se acatan a recomendación da
Federación Española de Municipios e Provincias. Ben é certo que a uns en
maior medida que a outros, dependendo dos emolumentos que perciben. O
caso é que varios rexedores e algún concelleiro veranse obrigados a
aplicar unha redución salarial do 7%, a prevista para os soldos que se
sitúan entre 41.055 e 54.615 euros brutos anuais.
Ademais, algúns concellos decidiron tomar outras
medidas de aforro, consistentes en rebaixar e ata suprimir o que cobran
os edís por asistir a plenos e comisións.
Segundo os datos facilitados polos alcaldes, esta é
a situación de cada concello mariñán. A Pontenova . Darío Campos
(PSOE) percibe por unha dedicación parcial 2.400 euros netos (7% de
descenso) e o edil Francisco Martínez 1.500 euros netos (5%). Campos
recordou que levan dous anos cos salarios conxelados, polo que quizais
non teñan que baixalos. Trabada . O alcalde, Yanes Ginzo (PP),
percibe 1.615 euros netos pola súa dedicación parcial. O resto de edís
cobran 60 euros por asistir a cada pleno, comisión informativa ou de
goberno. Como son poucas sesións, en principio non se expoñen reducilas.
Ginzo cobra outra media dedicación da Deputación. Barreiros .
Alfonso Fuente ten un soldo de 2.500 euros netos ao mes (7%) e Lorenzo
Penabad de 1.200. Desde hai dous anos aos salarios non se lles aplica o
incremento do IPC. «Por iso non sei se teremos que baixar vos soldos,
pero se é así a miña proposta será que se dediquen eses cartos á familia
ou familias con menos recursos do Concello», dixo Fuente . Por
asistencia a cada pleno ou comisión, os concelleiros perciben 100 euros.
Non se baixará esta cantidade. Ribadeo. Só está liberado o
alcalde, Fernando Suárez, que percibe 2.050 euros netos ao mes (baixada
do 7%). A proposta do BNG, a corporación acordou no último pleno
renunciar ao cobro de dietas por asistencia a plenos (60 euros), xuntas
de goberno e comisións informativas (40 euros). O Concello orzou por
este concepto 21.000 euros anuais, que se aforrará. Tampouco se cobrarán
as asignacións a grupos políticos (8.500 euros). Foz. O alcalde,
García Rivera (PSOE), ten conxelado o salario desde o pasado ano
-percibe 2.240 euros netos ao mes-, polo que ignora se deberá baixalo un
7%. Rivera non prevé baixar as cotas por asistencia a plenos e
comisións, nin as asignacións a partidos e recorda que Foz aplica desde
hai anos un plan de estabilidade para reducir a débeda. «Agora vannos a
tragar igual que a outros concellos que gastaron ou que non tingan. Eu
rebélome contra iso», sinala. Mondoñedo. Modesto Díaz (PSOE) e
Xusto Fernández (BNG), perciben sobre 1.500 euros netos ao mes polas
súas dedicacións totais (un descenso do 5 ou o 6%). Por cada asistencia a
plenos o resto da corporación cobran 60 euros de dieta e 42 por
comisións. As asignacións a partidos políticas, aínda que estipuladas,
non se cobran. Cervo. Alfonso Villares (PP) percibe 2.200 euros
netos ao mes (7%), Pilar Armada 900 e hai tres dedicacións parciais:
Yolanda Pedreira, Chelo Galego e Rubén Fernández (400 euros netos ao mes
cada un). Villares vai propor reducir ao 50% a dieta por asistir a cada
pleno (100 euros) que cobra o resto da corporación, así como as
asignacións a partidos políticos, estipuladas por número de
concelleiros: PP 1.200 euros, PSOE 900 e BNG 450. Burela : O
alcalde, Alfredo Llano , cobra 45.000 euros brutos ao ano e a edil Neves
Cando 42.000. En ambos os casos as baixadas serán do 7%. A edil Lucía
Bouza percibe 10.000 euros brutos anuais. As dietas por comisións, xunta
de goberno e plenos son de 30, 100 e 60 euros respectivamente. Llano
di que probablemente se baixarán. Viveiro : O soldo neto de
Melchor Roel (PSOE) non chega aos 1.500 euros ao mes (5%) e o da tenente
de alcalde, María Loureiro, rolda os mil euros. Os oito edís do PSOE
renunciaron ao que perciben por plenos e comisións, uns 2.000 euros ao
ano. O Vicedo : Jesús Novo (PP), por unha dedicación parcial,
cobra 1.590 euros netos (5 ou 6%). A tenente de alcalde, Pilar Otero ,
percibe 580 netos. Novo insiste en que o aconsellable sería que os
alcaldes tivesen un soldo estipulado por lei. Xove : Demetrio
Salgueiro (PP) ten un salario neto de 2.800 euros ao mes e Dolores
Meitín de ao redor de 1.300 euros netos. Ademais, Ana Abad cobra 700
euros netos pola súa dedicación parcial. Por asistencia a plenos o resto
de edís reciben 90 euros e 70 máis por cada comisión.
