M. Albo
Pola súa banda, os pontenoveses
son terceiros e atópanse a dous puntos dos segundos e a cinco do seu
rival de mañá, pero xa xogaron un encontro máis que os xovenses e un
menos que os segundos, o Servicios Iglesias Friol. No partido de mañá
causarán baixa no Pub Flanagan's-Xove FS Chetos e David, por distintos
problemas físicos.
Os xovenses continuaron
coa súa xeira de resultados o pasado no seu feudo, onde derrotaron a un
Samos FS (7-1) moi inferior ao cadro preparado por Eduardo Varela Lago,
Tito . Pola súa banda, o Industrial Recense de A Pontenova non
disputou o encontro que o debía enfrontar ao Baralla FS por culpa da
neve, que lle impediu viaxar aos mariñanos.
Finalmente,
o Cubelas FS gozou da súa xornada de descanso e o Opticalia Ribadeo FS
acadou a súa quinta vitoria da tempada ante o Hotel Roma. Os ribadenses
apenas tiveron problemas para desfacerse do seu rival, ao que
derrotaron por un claro 6-2. Con estes novos tres puntos conseguiron
escalar ata o sétimo posto da táboa clasificatoria e deste xeito
afástanse das últimas prazas.
