POR: Isabel García Fernández
FOTOS: Xeila
As obras de encauzamento do río Eo, que está executando a
Confederación Hidrográfica, e a rehabilitación da Praza dos Fornos
suporán un novo recurso turístico para este concello mariñano.
«Duplicamos o número
de turistas este verán ata
acadar as 1.798 persoas»
a promoción turística realizada
polo Concello da Pontenova
en ferias nacionais, coma a especializada
en turismo de interior,
Intur, que se celebra cada ano en
Valladolid, así coma noutras comarcais,
coma a de mostras de Vegadeo,
está dando os seus froitos
coma ben demostra o incremento
da cifra de turistas que se achegaron
este ano a esta localidade. O
concelleiro socialista de Turismo
e Promoción Económica, Ramón
Barrera Peña, de orixe vegadense,
sabe que as obras que neste momento
se están a executar no seu
concello contribuirán a atraer a un
maior número de visitantes.
Cales son as actuacións que máis
van a atraer ó turismo no futuro?
Por unha banda, a do encauzamento
do Eo, que estará rematado
a finais de 2010, porque creará
unha importante zona verde ó carón
do río, será unha grande zona
de esparcemento e de recreo que
pode que chegue, coma estamos
negociando agora coa Confederación
Hidrográfica do Cantábrica,
dende a Chousa da Vilaoudriz
ata as piscinas municipais, entre
a desembocadura dos cauces do
Turia e do Eo. Polo que quedará
unha zona magnífica tanto para
pescadores, coma para paseantes.
E por outra banda, a case xa terminada
rehabilitación da Praza
dos Fornos, que da boa conta do
patrimonio e do pasado industrial
da zona, por iso hai réplicas
de vías e andéns de ferrocarril que
transportaban o ferro das minas e
coa que se dotou dun espazo aberto
a este pobo tan encaixonado. Só
falla colocar unha rampa para os
discapacitados para subir ós fornos
e as farolas.
Outro dos obxetivos do Concello é
explotar a ferreiría de Bogo, como
avanza o proxecto?
Temos dispoñible xa un crédito
do Instituto de Crédito Oficial de
700.000 euros, case en efectivo,
para mercar a ferreiría e para
acondicionala para que poida recibir
visitas. Tan só estamos á espera
da autorización da Xunta para
adquirila, xa que é necesario o seu
consentimento, posto que tamén
a Administración autonómica forma
parte da concesión de explotación
deste inmoble que data do
século XVI que se asinou aló polo
ano 1997 e cuxo prazo remata en
2012. Precisamente A Pontenova
diferénciase doutros lugares por
ter un patrimonio industrial imram
portante, ligado á tradición mineira
en torno ó ferro. Neste senso,
a ferreiría foi construída por
Pedro Miranda, un noble que era
familiar do mariscal Pardo de Cela
e que tamén foi axusticiado.
Cantos visitantes recibiron este
ano no Concello?
Aínda non están pechados os datos
deste ano, faltan os do último
trimestre no que estamos aínda,
así que dende xaneiro e ata o mes
de setembro pasaron pola oficina
de turismo 4.000 persoas, fronte
ás 2.000 que viñeran o ano anterior,
dende o mes de xullo, xa que
foi cando abriu dito departamento
que non había ata entón no concello
e co que podemos precisar
cifras. Polo que respecta ó verán,
duplicouse a cifra en comparación
ca do ano pasado, e acadamos os
1.798 turistas fronte ós 850 que
viñeron no verán de 2008. En xeral,
a meirande parte proceden
doutras zonas de Galicia, pero tamén
veñen moitos madrileños.
De tódolos xeitos, son as festas
patronais de outubro e a Queima
dos Fornos as que seguen atraendo
a moitos turistas. Pero non cabe
dúbida de que a Festa da Troita,
en maio, o Festival das Minas, en
agosto, a Feira de Antigüidades e
a concentración de sendeirismo
atraen cada ano a moita xente.
Incrementouse tamén a oferta
hoteleira?
Si, de feito dende que estamos no
Concello, hai un par de anos, A
Pontenova pasou de non ter apenas
oferta a ter tres establecementos
de turismo rural, o Hotel Machuco,
A Estación e A Casa Nova
que fan aproximadamente un
total de 18 prazas hoteleiras.
Que bota en falta na Pontenova?
Sería interesante crear algún museo
ou centro de interpretación relacionado
co río e o seu ecosistema
e tamén co pasado mineiro do lugar
e recuperar a pesca no Eo.
VOLVER A PONTENOVA.ES