Cun piso tremendamente delicado desde o
inicio, López e Gómez comezaban con certa prudencia na primeira
especial para posteriormente comezar a aumentar o ritmo de forma
progresiva até chegar ao ecuador da proba en cuarta posición entre os
vehículos de Grupo N. Na segunda parte do mesmo, López decidíase a
atacar e conseguía enxugar a desvantaxe co vigués Cousiño na segunda
especial, aumentando a súa vantaxe até os 30 segundos coa chegada da
noite, logrando mantela para facela definitiva á chegada ao parque
pechado final onde o 206 RC de Sta. Apolonia alzábase cun loitado
Subcampeonato de Grupo N.
Á súa chegada a Amio, Óscar López recoñecía estar moi
contento, posto que conseguimos alzarnos co Subcampeonato de Grupo N
despois dunha bonita loita con Javier Cousiño, ao que me gustaría
felicitar pola súa gran tempada. Hoxe o día presentábase complicado
para nós debido ao deslizante do piso, pero unha vez máis todo
funcionou á perfección e despois dun inicio cauto tivemos que ir
atacando cada vez máis até podernos levantar á terceira posición e así
cumprir co noso obxectivo. O coche volveu ha funcionar ao 100% como
toda a tempada e o equipo volveu a realizar un gran traballo, co cal
hoxe a sensación é de completa satisfacción, e sen dúbida é un gran
resultado para completar o ano.
Unha vez finalizada a tempada, os
irmáns López Salgado queren agradecer aos seus colaboradores Antalsis,
Kobem G.D.I., Revestimientos Hondigo, Concello da Pontenova, Congelados
Asturgalaicos, Desguaces Herbón, Prodausa, Ferros Alonso, Merendero El
Mazo, Fundación Deporte Galego e Automóviles Iván o apoio prestado, así
como brindarlles a consecución deste resultado.