Marisol Fernández (Riegal, Rececende, A Pontenova, 1948) foi unha das mestras que participou onte nunha charla organizada pola Fundación de Preescolar na Casa en Albeiros.
Ver entrevista...
-¿Cales foron os temas que se trataron ao longo da reunión?
-Máis ca unha reunión de mestres foi un espazo para a reflexión. O que se pretendía era sacar á luz pública aqueles aspectos nos que tanto os pais coma os mestres debemos incidir con maior ímpeto para favorecer o desenvolvemento dos máis pequenos.
-¿Cal é a finalidade das aulas de Preescolar na Casa?
-Ese é o problema. A día de hoxe, segue habendo persoas que pensan que Preescolar na Casa é exclusivamente para os nenos cando, en realidade é un apoio á familia. É certo que nos seus comezos, se adicaba a maior parte do tempo a realizar pequenas actividades cos cativos pero agora iso mudou. O outro problema xorde cando esas mesmas persoas asocian as aulas co mundo rural e se negan a trasladalas á cidade. Por sorte, cada vez son menos os que pensan deste xeito.
-Entón, os seus esforzos céntranse en «axudar» aos pais na educación dous seus fillos...
-Tentamos axudar aos pais a crear aptitudes positivas para a aprendizaxe dos nenos. Que entendan que ao limitar a súa espontaneidade, están coartando a súa creatividade e a súa iniciativa persoal. Os nenos precisan dun ambiente que os atenta e os entenda.
VOLVER
