O alcaldable do PSOE na Pontenova, Darío Campos, adiantou onte que ?verteremos todos os nosos esforzos na creación da residencia de anciáns e do centro de día, ademais de dotar de novo equipamento aos centros sociais e mellorar o servizo de axuda no fogar?. O emprego tamén preocupa á candidatura que lidera Campos, por iso, ?desenvolveremos un plan de emprego municipal e ampliaremos o parque empresarial, co obxectivo de manter as empresas actuais e favorecer á instalación de novas compañías que creen novos postos de traballo. Campos lembrou que a diferenza do PP o seu partido soubo manter servizos sen subir as taxas municipais.
