(David Álvarez no centro da foto)
Entrevista realizada por Santiago Coladas
Rematamos ca 3ª entrevista desta entrega, nesta ocasión a David Álvarez, candidato polo Partido Popular, médico de profesión e a quen lle gusta o ciclismo o atletismo e o futbol.
Pontenova.es-¿Qué
foi o que te levou a meterte en política por primeira vez?.
A idea de meterme en
política parte da base da situación actual na que está inmersa A Pontenova.
Creo que se están a dar numerosos e graves problemas que
están repercutindo no
pobo e nos veciños. Para combatelos e solventalos teño o proxecto axeitado.
Pontenova.es-¿Qué
lle dirías a un veciño da Pontenova para que te votase nas próximas eleccións
de Maio?
O primeiro que lle diría
é que de non producirse un cambio de goberno, de non apostar por outro tipo de
política, a Pontenova iría en declive. Retaríao a facer memoria para repasar
toda a nula e nefasta xestión do actual equipo de goberno. Alertaríao de que de
non producirse un cambio, estaríamos
catro anos máis soportando políticas de falta de prioridade nos gastos e
xestión con grandes erros, ratificados nas débedas e nos xuízos do noso
Concello e que a o final pagarán como sempre os nosos veciños. Explicaríalle que votar á nosa candidatura é
apostar polo bo facer, polo progreso e por situar A Pontenova onde se merece.
Pontenova.es-
¿Pódesnos avanzar mais o menos a túa candidatura de cara a coñecer os teus
colaboradores?
A candidatura do PP A
Pontenova xa foi presentada fai unha
semanas. Está integrada por persoas preparadas, traballadoras, honestas e
cercanas; todas elas, dispostas a aportar o seu gran de area para o bo
funcionamento do pobo.
Pontenova.es-.¿Cales
crees que son as necesidades prioritarias para o noso Concello nos vindeiros
anos?
O emprego é a mellor política que existe. É a clave para o bo funcionamento
do pobo e a mellor defensa fronte a pobreza e a falta de oportunidades. Con traballo
e xuventude temos futuro.
Con respecto ás
necesidades, parece incrible, pero temos partes do Concello sen saneamento nin
suministro de auga en condicións óptimas para o uso humano.
A rede viaria municipal
tamén está nun estado pésimo; algo que non se pode tolerar porque repercute na
seguridade e no peto dos veciños. As pistas deben estar en boas condicións sempre, durante todo o ano, non vale que se
intenten reparar os meses antes das eleccións.
Pontenova.es-.¿Si
saes elixido, ¿dedicaríaste en exclusiva ao Concello ou compaxinarías co teu
traballo de médico?
A miña intención é
compaxinar profesión con alcaldía. Con traballo e dedicación, sería capaz de exercer
ámbolos dous acometidos.
Pontenova.es-.¿Que
lle dirías a unha parella nova para que se quedase a vivir no concello e non se
fose a Lugo, Ribadeo, Foz, etc…?
Deixaríalle moi claro que este Goberno local vai apostar
pola xuventude, dándolle facilidades de cara ao emprego, vivenda,
educación…Temos que lembrar que este Concello ten un potencial económico,
turístico e humano inmenso; se está en decadencia é pola nefasta xestión que se
levou a cabo.
Pontenova.es-.¿
Cales van ser as principais liñas de actuación do voso partido a nivel
municipal en materia de Industria?
Apostar polo presente intentando mantelo e melloralo.
Traballaremos por recuperar algo que tivo moita importancia no pasado (IPV);
Apostarei duramente polo futuro e para iso establecerei mecanismos para que os
emprendedores se queden non noso municipio e non o abandonen por falta de
oportunidades
Pontenova.es-.¿E
deportes e xuventude?
A nivel de deporte é
impresionante o potencial humano que ten A Pontenova. Temos que promocionalo e
apoialo, axudando no día a día. Tamén é
importante a actividade física e o deporte na terceira idade.
Pontenova.es-.¿E
servizos sociais?
Temos que mellorar a
xestión dos recursos sociais. Non se entende como un coidador ten que acudir a
primeira e última hora; duplicando o gasto e diminuíndo a calidade do servizo
por falta de tempo. Dito isto, necesitamos a maiores un Centro de Día da
Terceira Idade que require pouca inversión e presta moito servizo aos nosos
veciños.
Pontenova.es-.¿Cal
cres que sería o soldo xusto para un alcalde dun municipio como o noso?
A miña intención é
renunciar ao soldo de alcalde e seguir vivindo co de médico; sen prexuízo de
cobrar dietas, indemnizacións ou asistencias que correspondan por a actividade
do Concello. O número dous da
candidatura, que sería o tenente de alcalde, ten a mesma intención. Con estes
cartos iriamos reducindo a débeda dos veciños. Tamén acondicionaríamos rúas con
graba, formigón…
Pontenova.es-.¿Cal
crees que e a túa maior virtude como candidato? E teu maior defecto?
A maior virtude é que
digo o que penso. Son moi sincero e claro. Odio a mentira. Ás veces, sen tar directo, tráeme problemas,
pero á larga todo se ve.
Pontenova.es-.¿Xa para rematar, algunha cousa mais que nos queiras
comentar?
Dende o PP de A
Pontenova estamos convencidos que o noso Concello ten futuro. Por iso escollemos
esta frase como lema de campaña. Quero deixar moi claro que a política debe de
facerse desde o pobo. Onde todos sexamos partícipes e teñamos cabida. O pobo é
unha cadea e cada peza é vital para a vida do mesmo.