A candidata do
BNG-Asembleas Abertas da Pontenova, Mónica Rancaño Freire, solicitará a través
do rexistro no Concello un debate público cos candidatos dos outros dous
partidos que presentan lista no Concello, PP e PSOE. “Desde o BNG pensamos
que as veciñas e os veciños da Pontenova teñen dereito a
coñecer as propostas de cada grupo que aspiramos a gobernar o Concello”, explica a candidata nacionalista.
Os nacionalistas
xustifican a súa demanda como “un
exercicio mais de transparencia e democracia que permita ás veciñas e veciños
coñecer os diferentes programas e proxectos para o noso Concello”, e
aseguran que en moitos dos municipios do entorno xa se celebran este tipo de
debates entre as candidatas e candidatos das diferentes organizacións
políticas.
