O Partido Popular de A Pontenova presentou ao pasado Pleno Ordinario
celebrado o pasado xoves 26 unha Moción na que facía unha proposta seria
e necesaria de obras de arranxo de pistas e camiños a incluír no Plan
Estratéxico de Infraestruturas no Medio Rural da Conselleria de Medio
Rural da Xunta de Galicia.
Nesta proposta feita polo Partido Popular de A Pontenova incluíanse a
pista do centro do pobo de Vilargondurfe, as rúas do casco de Vilaboa, a
pista de Vilar de Guerra á Panturreira, o acceso a Eirixúa, a pista do
barrio do Iglesario en Rececende, os accesos ao Campo da Festa de
Vilaodrid, a pista de Covas no Acebro e a pista de Conforto ao Vilar de
Conforto. O equipo de goberno municipal nin sequera se “molestou” en
intentar consensuar, limitouse a denegar a Moción sen máis explicación
ca que eles xa tiñan outras obras, que tampouco se dignaron a explicar
cales eran.
Desde o Partido Popular consideramos que este é un exemplo máis da forma
“déspota” de gobernar de Darío Campos na que non priman os intereses
dos veciños de A Pontenova se non o feito de dicir que non a todas as
propostas que faga a oposición, sen nin sequera valoralas nin cuestionar
a súa necesidade.
Nota enviada por PP A Pontenova a pontenova.es.