SANTALLA (A PONTENOVA) SERÁ DE NOVO, POR CUARTO ANO, O CENTRO DE ATENCIÓN DOS XOGOS E DEPORTES TRADICIONAIS DE TODA GALICIA, PORTUGAL, ASTURIAS e CASTELA-LEÓN,
O VINDEIRO 27 DE AGOSTO.
- O Torneo Bolo Celta, o Torneo de Chave, o Torneo de Billarda, diferentes modalidades de Bolos, a espectacular exhibición de Corte de Troncos do Club Deportivo 6 conceyos (Asturias), conforman algunha das múltiples actividades lúdico-deportivas tradicionais de Galicia, Portugal, Asturias e Castela-León que se poderán ver e practicar o 27 de agosto en Santalla (A Pontenova).
- Arredor de 20 entidades serán as encargadas de mostrar os xogos e deportes tradicionais máis destacados das súas respectivas zonas, así como de dinamizar a participación das e dos visitantes.
O evento desenvólvese na vila de Santalla, en varias parcelas duns 10.000 metros cadrados, rodeada de alpendres, cabozos, hórreos e monte, sen dúbida nun marco incomparable semellante aos espazos utilizados antigamente para a realización destes xogos e deportes.
O obxectivo desta IV edición da Mostra é consolidar as actividades dos tres anos anteriores. Preténdese tamén con este evento concienciar á cidadanía para que non esqueza os xogos e deportes que se practicaban antigamente, e non só iso, senón que os adultos e maiores ensinen aos nenos e nenas como se desenvolven estes xogos e deportes, que conforman o patrimonio lúdico, para que volvan a formar parte do seu tempo de lecer.
Outros puntos destacados son:
- Arredor de 20 Entidades e máis de 150 deportistas de toda Galicia, Portugal, Asturias e Castela-León acudirán ese día para exhibir os xogos que practican nas súas zonas e ensinaranlles aos asistentes a orixe destes, o seu desenvolvemento e as súas variantes.
- Preto de 70 xogos e deportes tradicionais poderanse ver e practicar na pequena vila de Santalla, no concello de A Pontenova o vindeiro 27 de agosto, dende as 11:00 horas ata a 13:30 e dende as 15:00 horas ata as 19:00 horas
PROGRAMA
Dende as 11:00 horas ata a 13:30 e dende as 15:00 horas ata as 19:00 horas todo o mundo que se achegue á Mostra poderá ir participando en todos os xogos e deportes.
- Torneo Galego Individual de Bolo Celta. (IV torneo de Bolo Celta).
- Torneo de Chave.
- Torneo de Billarda.
- Monta e cabalo.
- Exhibicións deportes tradicionais de Galicia, Portugal, Asturias, e Castela-León.
- Demostración de corte e talla en madeira con brosa e motoserra (pola Asociación 6 conceyos de Asturias).
- Ás 19:00 horas entrega de trofeos e agasallos.
- Etc.
En cada un dos xogos e deportes haberá monitores/as especializados/as para explicar o desenvolvemento dos mesmos.
Así mesmo, a ao longo de todo o día os Cabaleiros dos Gabeás ensinarán a todo o que desexe a montar a cabalo.
ENTIDADES PARTICIPANTES E ACTIVIDADES
FEDERACIÓN GALEGA DE BOLOS e CLUBS DE BOLOS
- Torneo Galego Individual de Bolo Celta.
LIGA GALEGA DE CHAVE E CLUBS DE CHAVE
- Torneo Galego de Chave.
ASOCIACIÓN GALEGA DO XOGO POPULAR E TRADICIONAL
- Aros.
- Pescar a botella.
- Birlos ao canteiro.
- Zancos.
- Tres en raia.
- Mariola.
- Ra.
- Trompo.
- Arrastrar a tartaruga.
- Exposición de CARRILANAS.
- Corda.
- Chapas.
- Chave de Santiago.
- Chave de Tui.
- Goma.
- Bólas.
- Tiro á lata.
- Tirapedras
- O xogo das olas.
- O ovo.
- Olas.
- Petanca
- Porca.
- Estornela.
- Roma.
ASOCIACIÓN CULTURAL LA TANGUILLA (CASTELA-LEÓN)
- Calva.
- Bolos de Villanueva de Gumiel.
- Tanguilla.
- Ferradura.
ASSOCIAÇÃO DE JOGOS TRADICIONAIS DA GUARDA (PORTUGAL)
- Espeto.
- Pedra.
- Ferro.
- Burro.
- Cantarinha.
- Prego
- Pião
- Piosca
- Rapa
CLUB DEPORTIVO 6 CONCEYOS (ASTURIAS)
- Carrera de sacos.
- Carrera de lecheres.
- Carrera de panolles.
- Tiru al palu.
- Corta de troncos con hachu.
- Corta de troncos con tronzón e castillete.
- Corta en altura.
- Dexabolu.
- La Llave.
- Tiru de cuerda.
- Sierra de viento.
- Lanzamiento de barra.
- Rana.
- Cuatreada.
ASOCIACIÓN CULTURAL E DEPORTIVA O VARAL (A MARIÑA)
- A Billarda ou Estornela.
CLUB DE BOLOS CAMPOCRUCEIRO (Pousada – A Pastoriza)
ASOCIACIÓN ARCASCO (Santa Comba de Órrea)
- Bolos en liña (entre 6 e 9 bolos en liña separados).
CLUB CRUCEIRO DE MEILÁN (Santa Marta – Riotorto)
- Bolos de lastra ou bolos en liña (9 bolos separados).
CLUB BOLOS XOVE (Xove)
- Bolos en Raia de Xove (10 bolos xuntos incrustados na base da lastra).
CLUB BOLOS O CADAVAL (Pacios, Castro de Rei)
- Bolos en liña, ao canteiro e bolos de Ourense.
CLUB XOGOS E DEPORTES POPULARES E TRADICIONAIS DE SANTALLA (A Pontenova)
- Bolos en liña (9 bolos xuntos).
CLUB BOLOS RIBATRA (Ribadeo, Barreiros, Trabada)
- Bolos en liña (10 bolos xuntos).
- Bolos ao canteiro (9 bolos separados formando un rombo).
CLUB AMIGOS DA CHAVE DE FERROLTERRA
- Chave modalidade Ferrolterra.
ASOCIACIÓN XOGADORES DA CHAVE DE SANTIAGO DE COMPOSTELA
- Chave modalidade Santiaguesa.
ASOCIACIÓN CULTURAL DEPORTIVA DA CHAVE (OURENSE)
- Chave modalidade Ourensana.
CABALEIROS DOS GABEAS (A PONTENOVA)
- Monta a cabalo.
A afluencia desta cuarta edición estimase nunhas 2.000 persoas.
