Nombre: | Eloi Treitas |
Asunto: | Candidaturas eleccións municipais A Pontenova 1979 |
Mensaje: | Ola, Chámome Eloi Treitas, vivo na Coruña e son natural de Riotorto, aínda que parte das miñas raíces están na Pontenova, pois a miña avoa materna era natural de Rececende Antes de nada, parabéns pola páxina e polo traballo que facedes para dar a coñecer o que pasa na Pontenova. Envíovos un documento histórico que penso que pode ser interesante para a páxina, trátase das candidaturas que se presentaron na Pontenova ás primeiras eleccións municipais celebradas tralo fin da dictadura, que tiveron lugar o 3 de abril de 1979. Uns pequenos apuntes sobre os partidos: Coalición Democrática (CD) era unha coalición de centro-dereita que incluía, entre outros, a Alianza Popular, antecesora do actual Partido Popular. Unión de Centro Democrático (UCD), era unha coalición de centro que gobernou España entre 1977 e 1982. O Bloque Nacional Popular Galego (BNPG) era unha forza nacionalista galega de esquerdas, antecesora do actual Bloque Nacionalista Galego A Organización Revolucionaria de Trabajadores (ORT) era unha organización de extrema esquerda (concretamente "marxista-leninista de corte maoísta", segundo a Wikipedia) que presentou candidaturas en toda España, aínda que no caso da Pontenova, parece que con xente de fóra (a xulgar polos apelidos). Os resultados foron os seguintes: CD - 1226 votos, 7 concelleiros UCD - 714 votos, 4 concelleiros BNPG - 160 votos, 0 concelleiros (aínda que quedou a 16 votos de acadar representación) A ORT non aparece no reconto, non sei se por que retirou a candidatura ou porque non obtivo ningún voto. A primeira corporación democrática da Pontenova, por tanto, debeu quedar así: CD Eustaquio García Barcia (alcalde) Antonio Rodríguez Trevín José Carballeira Rigueiro Juan José Alonso Rodríguez José Conde Méndez Fernando Rego García Marcelino Méndez Álvarez UCD Marcelino Fernández Ferrería Jesús Rivas Nogueira Claudio Martínez Alonso José Avelino González Fernández A ver se, unha vez publicado, a xente aporta máis información. Teño tamén as seguintes corporacións ata a actualidade, xa volas mandarei Saúdos (e desculpas pola extensión do texto) |