Unha das festas do mundo da pesca máis veteranas
de Galicia, a Festa da Troita, será o centro de atención na Pontenova
esta fin de semana.
Unha das festas do mundo da pesca máis veteranas de
Galicia, a Festa da Troita, será o centro de atención na Pontenova esta
fin de semana, organizada polo tamén veterano Centro de Iniciativas
Turísticas que preside por segundo ano Francisco Rois Taracho (1963,
Villameá-A Pontenova). O CIT pontenovés conta con máis de 200 socios.
-A Festa da Troita chega á súa edición número 33, co día grande o primeiro de maio...
-Para o CIT, é o referente, ainda que ao longo do
ano facemos máis cousas como o campionato social de pesca, o carnaval
infantil, degustación de setas...
-¿O CIT sempre estivo detrais da organización desta cita?
-Dende 1978 e sempre se fixo o primeiro de maio. A
da Pontenova é a segunda festa da troita máis antiga de Galicia, despois
de Pontecaldelas. Este ano metímonos noutro ?jaleo? máis, engadindo no
concurso unha modalidade, de cebo. Tamén teremos o terceiro concurso
infantil, o terceiro de mosca seca, o primeiro de cebo como dixen e o
número 33 de salmónidos lance.
-Haberá xente veterana tamén pescando, ¿non?, fiel á cita.
-A un pescador de Viveiro xa o invitamos gratis.
Falamos de Hortensio, o «home-orquesta». Viña pescar sempre, e o ano
pasado fixo ademais actuacións. O merece. Á festa veñen pescadores
fieis, de Galicia, Asturias...
-¿Como vai o río este ano?
-En perfectas condicións, pero xa nolo dirá o
domingo. As troitas que se pescan mándanse para un asilo. Aquí faise
unha degustación popular, ten que ser con troitas de piscifactoría.
-¿Lembra as pezas máis grandes que pescou na súa vida?
-Foi un salmón de 6 quilos e medio e unha troita de 2,9.
A Festa da Troita arrincará mañá co pregón de Pepe
Casal (21.30 horas), quen ten pescado na Pontenova e prepara físicamente
a Pau Gasol cando vén a España. Tamén é o presidente do Clube de Pesca
Tambre.
