Javier Acebrás Villar creador dun portal alternativo en internet adicado á información da Pontenova.
A pesares do despoboamento que sofre o medio rural e máis en concreto o da Pontenova, con máis de tres pobos abandoados, hai xente nova, coma Javier Acebrás, que ama a terra na que quere seguir vivindo.
A fin de darlle máis vida ó concello, non só creou unha plataforma para darlle voz á vecindade, senón que preside un colectivo de xente viaxeira.
POR : isabel garcía fernández
FOTO S: i.g.
A Pontenova conta cun valor
en alza nun dos seus veciños máis
novos, Javier Acebrás Villar, que
con tan só 33 anos, amosou o seu
espíritu emprendedor ó ser un
traballador incansable que non
só conduce autobuses por conta
allea, senón tamén un taxi, por
conta propia, na súa localidade
natal. Pero polo que é máis coñecido
nesta vila do interior mariñán é
pola súa implicación na vida local,
á que quere impulsar para que a
vecindade e a súa familia, incluida
a súa filla de seis anos, teñan
un futuro próspero neste municipio.
E iso téntao facer dándolle voz
á veciñanza a través da plataforma
que creou en internet.
En que consiste a web e como xurdiu
o proxecto?
A pontenova é un pobo pequeno,
no cal hai novas todos os días,
pero algunhas delas non estaban
recollidas nos xornais; www.pontenova.
es naceu da necesidade de
informar ós vecinos que se atopan
na localidade e ós miles de pontenoveses
que se atopan polo mundo
adiante e que desta maneira
poden estar en contacto co seu
pobo. Fun o seu creador e naceu en
marzo do 2008, pero ó cabo dalgo
máis dun ano fóiseme das mans,
porque non podía con todo o que
unha páxina deste calibre esixe;
de feito empezou ter sobre medio
millar de visitas diarias.
Había outras na Mariña ou na provincia
deste tipo?
Foi a primeira que se creou deste
tipo. Non me inspirei en nada.
Simplemente xurdiu pouco a
pouco e hoxe é difícil pensar nunha
Pontenova sen pontenova.es.
Na rede existía pontetolo.com,
onde se colgaban as fotos da xente
nova de marcha, pero nada máis e
só había información do concello
no Progreso
.Que contidos aparecen neste medio
de comunicación electrónico
creados por e para os veciños?
Son máis de 3000 artigos publicados
en case tres anos e máis
de 2000 comentarios, visitas de
todos os rincóns do mundo e case
700.000 visitas para crear a maior
fonte de información e liberdade
de expresión da Pontenova. A web
actualízase varias veces ó día todos
os días e cada actualización leva
o nome do seu editor e creador e
faise no momento en que hai noticia,
agás no caso das fotos antigas
que están programadas para que
automaticamente apareza unha
diaria.
Que suporá para a vecindade contar
con esta plataforma?
Pontenova.es será a maior fonte
de historia xamáis coñecida nun
pobo destas características. Dentro
de 50 anos a xente poderá ver o derribo
da ponte, as crecidas do río, a
remodelación da praza dos fornos
e todo o que era actualidade, e xa
historia, do seu pobo. Pontenova.
es hoxe é una web que engloba a A
Pontenova. Non se pode crear un
proxecto máis amplo por falta de
medios, tempo e cartos, aínda que
varias veces pensei en crear unha
radio que emitira dous informativos
ó día, pero só son ilusións moi
difíciles de levar a cabo.
Como se mantén o proxecto?
Eu son o único que sustento a
páxina economicamente. Creeina
a partires dunha plantilla de
blogger e son miles de horas as
que lle levo adicado. Hoxe está
moi modificada e non se parece
en nada a un blog, aínda que siga
con ese formato. Pago 15 € ó ano
de dominio e 20 € de almacenamento
web.
Cantos veciños colaboran con
vostede na actualidade para manter
os contidos?
Pois o subdirector, redactor jefe,
editor, moderador e creador de
numerosas seccións é Carlos
Lombardía; Carlos Gavino, que é
fotógrafo profesional na localidade
encárgase precisamente deso,
da fotografía, pero tamén da parte
do deseño e da edición. É tamén o
responsable da sección Lecer na
Pontenova, na que se amosan fotos
antigas; o xerente do tanatorio,
Teodoro Lourido, ocúpase das
esquelas; temos unha colaboradora
emigrante en facebook, Bernardeta
Taylor; a presidenta das mulleres
rurais, María José Amieiro
Blanco e o presidente do Clube de
Iniciativas Turísticas, da Festa da
Troita e en xeral dos campionatos
de pesca que se organizan, Francisco
Javier Rois. E finalmente eu,
coma director xeral.
Quen se ocupa dos deportes, unha
das seccións máis lidas?
O adestrador do Spórting, Daniel
Moirón, e o presidente deste clube
da segunda categoría autonómica
e xuvenil, Serafín Ron, ocúpanse
dos deportes, así como tamén
Manuel Piñeiro, presidente do
Superti de fútbol sala, que está en
primeira nacional, grupo A, redacta
sobre este eido; sobre o atletismo,
temos a Santiago Coladas,
membro da Sociedade Deportiva
Albións, que tamén aporta curiosidades
varias nesta materia, así
como Manuel Valcárcel, da mesma
asociación.
Hai algún tipo de criba sobre os
comentarios que poden chegar?
Publícanse todos os recibidos?
Efectivamente chegan moitos
comentarios que non podemos
publicar porque proveñen de
anónimos que atacan duramente
a persoas públicas. Cando a
xente se identifica pode poñer o
que queira. Hai total liberdade de
expresión e quen o desexe pode
publicar novas na páxina. Pontenova.
es é unha plataforma libre
e polo tanto está aberta a todos.
Nunca se negou poñer ningunha
nova ou comentario debidamente
identificado.
Traslada vostede algún tipo de demanda
local a través da web?
A min gústame a idea do progreso
e de que cada un poda seguir sendo
libre de expresarse. Espero que
non se sigan poñendo trabas ós vecinos
que queren emprender a súa
actividade laboral no pobo.
Asociación local gastronómica e cultural ‘Ponte-Nova’
Como bo namorado do mundo
da hostalería, xa que non en balde
Javier Acebrás é tamén técnico de
servizos e cociña, impulsou a creación
dun colectivo cultural e gastronómico,
que el preside dende
a súa constitución, o ano pasado.
Este é un sector que coñece ben,
xa que é propietario do Mesón A
Mina, hoxe en día alugado no municipio,
e a súa familia o é tamén
do establecemento A Cubana, un
hostal-restaurante que foi un referente
na zona e que levan «tentando
abrir ao público como centro de
ocio e restauración hai catro anos,
pero retrásase pola obtención de
licencias municipais, ».
Por que se creou a sociedade?
Por propiciar relacións de amizade
entre a xente nova, que debido o
estrés dos tempos modernos practicamente
non nos vemos a pesares
de vivir nun pobo. Empezamos
xuntándonos pola semana para
tomar uns viños e ir cear ós restaurantes
locais e acabamos por crear
unha asociación para manternos
unidos. O seu máximo impulsor
é Jose Rodríguez López ‘Calero’, secretario
e responsable, aínda que
me elixiron coma presidente.
Cantos socios tedes e que actividades
fixéchedes?
Somos 25 socios e é difícil que alguén
entre a formar parte pois fai
falla o aval de tres socios; máis vale
poucos e bos. Todos somos homes,
cadrou así. Agás as viaxes, todas
as actividades as facemos no pobo.
O máis destacado é que remamos
19 kilómetros en sete horas no
descenso do Sella e que iremos en
Semana Santa á Costa del Sol
.
VOLVER A PONTENOVA.ES