O Grupo Municipal do Partido Popular de A Pontenova solicita á
Alcaldía que lle habilite unha oficina nas dependencias municipais nas
que este Grupo poida levar a cabo as tarefas propias do Grupo Político,
así como para poder atender aos/ás veciños/as que se queiran poñer en
contacto co mesmo.
Por outro lado e con relación ás dedicacións parciais do actual
equipo de goberno, a dedicación do Alcalde, Darío Campos, supón un gasto
de 3300 Euros mensuais máis as dúas correspondentes pagas
extraordinarias, ante o que este Grupo Municipal quere facer constar que
estas retribucións son as máis altas de todos os ediles da Mariña e
para exemplo sirva a dedicación exclusiva de 1900 Euros netos mensuais
do Alcalde de Viveiro (PSG-PSOE), a exclusiva de 2081 Euros netos do
Alcalde de Ribadeo (BNG) ou os 2000 Euros netos da exclusiva do Alcalde
de Trabada (PP), mentras que a de Darío Campos é de 2500 Euros netos
mensuais, pero parcial.
Este grupo continúa preguntándose cal sería o salario do actual
Alcalde de A Pontenova si cobrara unha dedicación exclusiva e no puidese
continuar exercendo a súa actividade privada de veterinario, xa que
como o propio PSG-PSOE afirma "as asignacións están directamente
relacionadas cos ingresos que viña obtendo na súa actividade
profesional".
Por outro lado, á afirmación de que as retribucións do anterior
equipo de goberno eran superiores, quixéramos dicir que faltan á
verdade, xa que as retribucións do actual equipo de goberno cóstanlle ao
Concello aproximadamente 300 Euros mensuais máis que as anteriores, e
co coste engadido de que servizos que realizaba o anterior concelleiro
de obras, neste momento cónstanos que se están a realizar por
funcionarios municipais.
Fuente: Cope de la costa
