Entrevista | darío campos Alcalde de A Pontenova
O alcalde avanza que na próxima temporada
daráselle un xiro ás escolas, abrindo un debate para optimizalas ao
máximo
- Autor:
- L.P.
- Localidad:
- A PONTENOVA/LA VOZ.
Darío Campos (PSOE), alcalde de A Pontenova,
amósase satisfeito coas escolas deportivas e maniesta o seu compromiso
de seguir adiante con elas. Este ano xa se lle deron un xiro, cambiando o
horario, e avanza que para o que ven haberá máis novidades, incluíndo a
elaboración de unha ordenanza para regularizalas.
-Agora non existen como tal e por iso imos redactar
e aprobar unha normativa. Nos últimos anos había moitas actividades
pero con moi poucos cativos. Por iso fixemos unha enquisa e decidimos
que se fixeran actividades no horario de descanso nos colexios, entre a
unha e media e as dúas e media da tarde, para que puideran participar os
nenos das aldeas. E foi bastante ben, porque houbo máis cativos, que é o
que nos interesa.
-¿Vai haber máis cambios?
-A nosa aposta é seguir fomentando o deporte. Agora
vaise a empresa que levaba as escolas e imos tratar de darlle unha
volta ás escolas, replantexando o modo de funcionamento.
-¿Seguirán sendo gratuítas?
-O contrato coa empresa ronda os 30.000 euros e
imos falar con eles a ver que propostas nos fan. Si se amplían as
escolas e os servizos quizais haxa que cobrar algo. Xa se verá. O
importante é conxeniar os horarios para que poda participar o maior
número de nenos, que non é doado.
-E seguir adiante.
-A crise é mala para todos, pero tamén trataremos
de ir un pouco máis aló, mirando si se poden aproveitar as escolas para
pasar do que é o deporte afeccionado a algún tipo de competición. Son
cousas nas que queremos avanzar, pensando sempre na optimización ao
máximo os recursos.
