TEXTO: ISABEL GARCÍA
Ainda que sen Revilla, o presidente
do Goberno cántabro, a
trixésimo segunda edición da
Festa da Troita celebrarase este
sábado, 1 de maio, por todo o alto.
Ou polo menos este é o propósito
do organizador do festexo, o presidente
do Centro de Iniciativas
Turísticas de A Pontenova, Francisco
Javier Rois Freijo, que tivo
que quedarse sen pregoeiro para o
evento este ano, xa que o cántabro
tiña problemas de axenda que lle
impedían visitar a terra en cuxas
minas traballou o seu sogro. (Nota de pontenova.es: O pregoeiro será o alcalde de Abadín)
Imos procurar imitar, na medida
do posible, a final da Champions
League de fútbol na entrega dos
trofeos de pesca que terá lugar na
casa do Concello contra ás seis da
tarde e para iso imos tirar confetti
e facer festa en xeral. Polo demais,
a consolidación lograda nestes
anos para a festa non fai necesario
incidir en maiores novidades.
O sábado á noite haberá verbena a
cargo das orquestas Capitol e Tropicana
e outra a noite do sábado, o
día grande, cos grupos Amistad e
Poceiro, este último ademais amenizará
a sesión vermú do sábado
e tamén teremos a actuación de
Paulo Martinho despois da entrega
de premios
.
Cantos pescadores están inscritos
para os certames?
Son 88 pescadores inscritos en total,
11 na modalidade de mosca
seca que ten que comezar o venres
ás cinco menos cuarto da tarde en
Ribeira de Piquín, porque ata o día
seguinte non abren oficialmente
os cotos da Pontenova, onde o certame
principará ese día ás nove da
mañá, despois de concentrarse os
participantes unha hora e media
antes na Praza dos Fornos. Para
a modalidade de lance hai xa 75
inscritos e en xeral, e respecto dos
primeiros, veñen uns catro pescadores
de Santiago, outros de San
Tirso de Abres e a meirande parte
da Coruña. Son practicamente os
mesmos que os participantes do
ano pasado, aínda que o evento
coincide co campionato de España
de mosca seca ou cola de rata que
este ano se celebra en Santiago e
coa festa do salmón de Cornellana,
en Asturias.
E cantos rapaces de entre 12 e 17
anos van participar no concurso
infantil de pesca sen morte?
Sete, os mesmos que o ano pasado.
O máis pequeno ten 12 anos
de idade. Un vén dende Lugo,
outro de Viveiro e outro de Monforte,
o resto son da Pontenova ou
arredores. Os certames de pesca,
tanto o dos adultos, coma o dos
pequenos, rematan o sábado ó
mediodía e prevese que ás dúas se
pesen as pescatas para estipular
a clasificación. Ademais, ás tres
da tarde haberá unha comida de
irmandade.
Que outros atractivos haberá este
ano ademais da pesca?
Pois o venres inaugúrase a exposición
fotográfica Río Eo e Festa
da Troita no futuro museo do salmón,
onde tamén se exporá outra
de MariñaPatrimonio sobre a industria
do ferro no norte de Lugo e
no occidente astur e como tódolos
anos, dispútase a carreira popular,
nesta ocasión en homanaxe ó
atleta Julián Bernal Medina, que
sae ás once da mañá da avenida de
Taramundi. As inscripcións para
esta competición que organiza a
sociedade cultural e deportiva Albións,
faranse antes da saída da
proba, na casa da cultura.
Que obxectos se marca para o CIT
no seu mandato?
Estamos traballando na elaboración
e posta en funcionamento da
que será a primeira páxina web
da entidade, pero ademais é que
este ano organizamos por primeira
vez unha ruta de sendeirismo
por Vilalba.
Cantos socios ten o CIT?
Temos 280 socios nestes momentos,
dos que 60 aproximadamente
son pescadores.
VOLVER A PONTENOVA.ES