Un
dos propósitos dunha asociación como As Minas era lograr que a súa
campaña fose apoiada por outros colectivos. Os primeiros apoios xa se
solicitaron, pois tres asociacións do municipio da Pontenova -a de
mulleres rurais, a de comerciantes e o Centro de Iniciativas Turísticas
(CIT)- expresaron a súa adhesión a esta iniciativa. De todos os xeitos,
a intención, como explicou onte Veiga, é trasladar esa petición a
colectivos doutros municipios.
O que en
cambio se descarta, a pesar de habelo previsto nun primeiro momento, é
a posibilidade de dirixirse directamente aos concellos para solicitar o
seu apoio a esta medida. Con todo, non se rexeitarán os respaldos que
esas institucións lles mostren. De feito, o BNG presentou mocións para
reclamar o arranxo da vía: por exemplo, a corporación de Pol deu o seu
apoio a esa proposta no pleno celebrado a semana pasada.
Todas
as adhesións serán benvidas, como recalcou onte Veiga dada a
importancia que se concede á estrada e ao seu arranxo: incumbe «a
todos», dixo.
A
campaña que reclama melloras para a estrada N-640 (Varres-Vilagarcía de
Arousa) no tramo comprendido entre a localidade na que empeza e Lugo
segue sumando apoios. As adhesións que se recollen en Internet e coas
firmas cuxas follas están repartidas por diversos municipios galegos e
asturianos seguen unha tendencia que os promotores consideran moi
meritoria.
A campaña púxose en marcha hai
varias semanas por impulso da Asociación Cultural e Deportiva As Minas,
da Pontenova. O seu responsable, Daniel Veiga, manifestou que as
adhesións da plataforma aberta en Facebook achegábanse xa ás 900. Ao
mesmo tempo, as firmas que se poden estampar en diversos negocios de
concellos polos que discorre a estrada seguen á alza. Aínda que Veiga
mostrouse prudente nos cálculos sobre o número de apoios, as firmas
parecen pasar xa as 1.000.
90 quilómetros
Que
hai interese para asinar en demanda do arranxo dos aproximadamente 90
quilómetros que separan Varres, localidade pertencente a Castropol, é
algo que parece evidente. Veiga asegurou onte que nalgúns municipios xa
se esgotaron as follas colocadas para ese fin.
As
firmas recóllense en establecementos e locais públicos de 13
municipios: nove son de Galicia -Lugo, Castro de Rei, Pol, A Pastoriza,
Meira, Riotorto, A Pontenova, Trabada e Ribadeo-, e catro, do occidente
de Asturias -Taramundi, San Tirso, Vegadeo e Castropol-. Por outra
banda, a plataforma ten en estudo a posibilidade de ampliar a recollida
de firmas a outros municipios.
De manterse as
perspectivas que apuntou onte Veiga, as firmas seguirán recolléndose
nos mencionados concellos polo menos durante o que queda deste mes.
Como en ocasións anteriores, recoñeceu as súas dúbidas sobre a validez
legal das adhesións solicitadas en Facebook, aínda que tamén afirmou
que boa parte das persoas adheridas á plataforma en Internet mostraban
ademais a súa disposición a asinar nas outras follas postas a
disposición dos interesados.
Críticas
A
plataforma tamén critica algunhas reparacións levadas a cabo nos
últimos meses en lugares da N-640 como o municipio da Pontenova, posto
que considera que nin resolven as diversas deficiencias da vía nin este
é o momento do ano adecuado para levalas a cabo.
